Cat_Peeing

清理貓砂係厭惡性工作。但當發現唔到尿,或是發現貓星人唔肯係貓砂盤度好好地屙尿。甚至發現尿的顏色開始有啲奇怪。 咁樣貓奴就需要注意啦!

冬天因為天氣冷,貓星人懶得喝水,更有可能爆發尿尿危機!大家要注意!!

病因       

最常見引致貓下泌尿道疾病的原因很多,像是結石、細菌感染、腫瘤、晶體、原發性、以及病毒感染。任何會造成貓咪頻尿、不適當的排尿行為、緩慢而疼痛的排尿、血尿…等症狀的疾病,都稱之為貓泌尿道症候群(Feline Urologic Syndeome)。

如何發現      

當奴才察覺到貓咪有「不正常排尿行為」,就要提高警覺。什麼叫作不正常排尿?尿量增多可能腎臟有問題、頻率增加再加上排尿時有痛楚徵兆(例如慘叫、打泠震),可能係下泌尿道發炎或感染造成疼痛、貓砂盤以外排尿,或發現有做記號噴尿情形則可能係行為問題或尿失禁等神經問題。另外尿液顏色、深淺濃度亦都是需要觀察,正常尿液顏色為黃色,出現深啡或紅色的血尿有可能係下泌尿道發炎或是其他全身性的疾病;若尿液過淺則有可能是腎臟方面缺損。留意貓咪尿尿習慣係及早發現問題的最好辨法,發覺唔妥時唔好猶豫,應盡快帶到醫院搵出原因。

如何診斷     

評估尿比重以決定是否為全身性問題。當尿比重大於1.025時會進行尿檢,檢查係咪有異常尿等,更進一步會進行尿液培養確定是否有尿道感染、拍攝X光找是否有結石。要注意嘅係,常見結石好似草酸鈣或磷酸鹽用X光可以照出,但某些結石則無法被照出,為了確知病况,醫生可能需要以尿道造影、膀胱造影、超音波的方式排除或納入結石的可能性。超音波或尿路內視鏡下可以診斷係咪有膀胱憩室、狹窄、腫瘤等,如果僅見膀胱出血以及膀胱壁增厚嘅情形,則會導向間質性膀胱炎(或稱為原發性膀胱炎)診斷或是行為問題。

    

如何預防     

1.減少壓力

貓星是非常敏感嘅動物,當環境有任何改變,如搬新居、新屋企人甚至係外出、轉貓砂或飼料都會對佢哋造成壓力。壓力的形成也是造成間質性膀胱炎或行為問題的重大原因。因此,當要進行任何對貓咪可能造成壓力的改變及行為時,要盡量循序漸進,舉例,有新貓嚟到屋企,唔好一帶返嚟就堂而皇之咁成為全部人嘅焦點,而應該先以分房形式讓其他貓貓習慣新成員嘅出現,盡可能在這過程中多花時間與貓貓溝通好減低壓力。

2.環境清潔

如何讓貓星人悠然自得地排尿,當然貓奴們給主子們一個良好環境。市上有好多不同種類嘅貓砂,可以藉著觀察發現貓主子喜歡嘅類型。定時清理並保持足夠的砂量,甚至放於一個貓砂盆,建議家裡有幾隻貓就擺+1的數量。貓砂盆的選擇決定於貓咪自己喜好,愛好隱私的貓喜歡有蓋式貓砂盆,有些貓喜歡開放式,鍾意撥沙嘅貓貓可以給他們大一點的貓砂盆等等。基於不同貓咪的主觀喜好,貓砂嘅深度、鋪砂嘅斜度、凝結度以及香味都唔同。如果唔好彩貓貓亂咁屙尿,清理之餘,可以使用一些消除尿味嘅噴劑除去味道。

3.飲食管理

cat_drinking_water

 

 

 

 

 

 

 

 

邊隻飼料係最適合?係咪需要俾處方飼料?如果貓之前係有結石嘅問題,給予處方飼料係好嘅選擇,但其實最有效嘅,係多飲水!鼓勵貓咪飲多D水不但對於下泌尿道疾病有幫助,對於腎臟疾病也有很好效果。另有研究指出食罐頭糧嘅原發性膀胱炎病貓復發率只有10%,遠少於食乾糧嘅40%復發率,原因係罐頭嘅含水量高過純乾糧,可以提供喝水以外嘅水分,藉此提高貓咪飲水意欲。避免頻密改變飲食內容亦非常重要。其他方法仲有加水入乾料、勤換水盆或者使用水瓶甚至流動水碗都係不錯嘅方式。有些貓奴仲會嘗試係飲用水中加一啲貓咪喜歡嘅味道,好似係糖水或者未經調味嘅肉汁,增加貓貓對水嘅興趣。

4.環境豐富性

改善環境可以增強貓咪嘅感覺系統、認知系統同埋運動神經,降低貓星人交感神經的活化並減低壓力。改變環境首要先瞭解貓係種獨立又鍾意運動嘅動物,給予良好運動環境俾佢哋可以自由地爬來爬去、磨吓爪、匿埋休息,可以買啲貓或其他貓傢俬。給予新鮮嘅玩具如假老鼠或貓棒、雷射筆、增加與貓主子嘅互動,梳理貓毛、撫摸吓佢哋亦可降低緊迫感。

儘管泌尿道疾病係好麻煩嘅問題,但只要各位平時用心觀察,盡量給予貓貓一個無壓力又開心嘅環境,就可以有效減低相關問題啦!

資料來源:hotpets.com.tw

Comments

comments

Tags:

Shares:

woodlab